अतिथीगृह 

 हे मानवी शरीर एक अतिथीगृह 

रोज सकाळी एक नवीन पाहुणा. 

आनंद ,निराशा किंवा स्वार्थीपणा 

जणू एखादा अनपेक्षित येणारा पाहुणा. 

काही क्षणभंगूर होणारी जाणीव:

स्वागत आणि आदरातिथ्य करा त्या सर्वांचे;

जरी तो असेल जमाव दु:खांचा 

जे भीषणपणे पाडतील तुमचे घर 

रिकामे करतील  त्यातील फर्निचर 

तरीही व्यवहार करा प्रत्येक पाहुण्याशी सन्मानाने

तो तयार करत असेल तुम्हाला एखाद्या नवीन आनंदासाठी. 

काळेकुट्ट विचार, शरम , द्वेष, 

भेटा  त्यांना दारातच हसत हसत. 

आणि आमंत्रण द्या त्यांना आत येण्याचे. 

कारण प्रत्येकाला आले आहे पाठविण्यात 

मार्गदर्शक म्हणून पलिकडून .         

( रुमी : सिलेक्टेड  पोएम्स, ccxiii ,  स्वैर भाषांतर )

वंदना पाठक