हॅम्लेट : नायक नवा 

आहे तसा दडलेला 

एक  हॅम्लेट प्रत्येकात 

करावे किंवा नाही या संभ्रमात. 

हा हॅम्लेट डोकं   काढतो  वर कधीही 

आणि जगणे अश्यक्य करतो क्षणातही. 

मनाची अवस्था असते  दोलायमान

कोणावर विश्वास ठेवावा नसते भान. 

नाते, संबंध, मित्र -दोस्त सर्वच जण  

कोण आपले वा परके, समोर ठाकले प्रश्न. 

सद्सद्विवेक बुद्धी टाकून जणू गहाण  

भीत भीत जगतो ठेवून मूठीत प्राण. 

दिवस महिने वर्षानुवर्षं चालते कालचक्र

निराशा मनात बाळगून दृष्टी करतो वक्र. 

जीवन मंचावर नकोत हॅम्लेट वा ऑफेलिया

काळोखाची नको कोणाही जीवावर छाया. 

नको आत्ममग्न, अनिश्चयी, अनिर्यणी युवा 

माणसाचा मनावर संपूर्ण ताबा जरूर  हवा.    

मनातील हॅम्लेटने करायला हवे पलायन 

प्रत्येकाला त्यासाठी शोधावे लागेल रसायन. 

मानसिक शांती, समाधान, प्रेम व मोकळेपणा

घडवू शकेल हमखास हॅम्लेट सकारात्मक   देखणा. 

नवीन ठाम कर्तृत्ववान  हॅम्लेट घडवायलाच हवा 

जुना नायक अवतरेल घेउनी गुणांचा साज नवा.  

   वंदना पाठक