शेक्सपियर समजताना 

शेक्सपियर   चे विराट रूप स्वरूप  जाणवले आज
उत्तुंग शिखराचा ज्यांना लाभला अपूर्व साज
अनेक वर्षांपासून  सुरु होते  त्यांच्या अभ्यासाचे  काज
 तरीही त्यांच्या पायथ्याशी उभे राहण्याची वाटते लाज

अथांग वादळी सागरात जशी   डगमागते  एखादी नौका
प्रत्येक मोठ्या लाटेनंतर चुकतो काळजाचा  एकेक ठोका
स्थिरस्थावर होऊन पुढे जाण्याचा पत्करते मोठा धोका
तसाच अनुभव आला शेक्सपियर  अध्ययनाचा अनोखा

मुसळधार पावसात  चिमणा जीव शहारतो  भिजून
हळूच शोधतो उबेचा आसरा खिडकीतून डोकावून
पुस्तंकांच्या ढिगाऱ्यात किंवा आड बसतो दडून
कुठे ,काय, कसे, केव्हा मिळेल पाहतो चाचपडून  

तशीच थोडी फार  झाली होती माझी  दयनीय गत
अनेक स्त्रोतांमध्ये माझे मन होते पूर्ण रमत
 नाटके शोकान्तिका, सुखान्तिका, ऐतिहासिक व सुनीत
विविध समीक्षकांची नवनवीन मतांतरे आणि मत

मनामध्ये भ्रमांची व प्रश्नांची कोळीष्टके जमली
काय स्वीकारावे वा नाकारावे मती भ्रष्ट  झाली    
मग अचानक आंधळे व हत्तीची  कथा आठवली
संपूर्ण नाही पण थोडी बहुत शेक्सपियर गाथा उमगली

शेक्सपियरचे  संपूर्ण आकलन होणेच अश्यक्य
जेव्हढे पचनी पडेल  तेच ग्रहण करावे यावर मतैक्य
 मान लवून त्यांच्या अफाट उंचीचे दर्शनच संभाव मात्र 
म्हणूनच त्यांचे गुणगान  भूलोकी यत्र तत्र सर्वत्र .

 वंदना पाठक